phuulo.n ke ra.ng se, dil kii kalam se lyrics

Home >> Artists starting with W >> Waheeda Rehman Lyrics >> phuulo.n ke ra.ng se, dil kii kalam se

phuulo.n ke ra.ng se, dil kii kalam se
tujhako likhii roz paatii
kaise bataauu.N, kis kis tarah se
pal pal mujhe tuu sataatii
tere hii sapane, lekar ke soyaa
terii hii yaado.n me.n jaagaa
tere khayaalo.n me.n ulajhaa rahaa yuu.N
jaise ke maalaa me.n dhaagaa

haa.N, baadal bijalii cha.ndan paanii jaisaa apanaa pyaar
lenaa hogaa janam hame.n, ka_ii ka_ii baar
haa.N, itanaa madir, itanaa madhur teraa meraa pyaar
lenaa hogaa janam hame.n, ka_ii ka_ii baar

saa.Nso.n kii saragam, dha.Dakan kii viinaa,
sapano.n kii giitaa.Njalii tuu
man kii galii me.n, mahake jo haradam,
aisii juhii kii kalii tuu
chhoTaa safar ho, lambaa safar ho,
suunii Dagar ho yaa melaa
Find More lyrics at www.sweetslyrics.com
yaad tuu aae, man ho jaae, bhii.D ke biich akelaa
haa.N, baadal bijalii, cha.ndan paanii jaisaa apanaa pyaar
lenaa hogaa janam hame.n, ka_ii ka_ii baar

puurab ho pachchhim, uttar ho dakkhin,
tuu har jagah muskuraae
jitanaa bhii jaauu.N, mai.n duur tujhase,
utanii hii tuu paas aae
aa.Ndhii ne rokaa, paanii ne Tokaa,
duniyaa ne ha.Ns kar pukaaraa
tasaviir terii, lekin liye mai.n, kar aayaa sabase kinaaraa
haa.N, baadal bijalii, cha.ndan paanii jaisaa apanaa pyaar
lenaa hogaa janam hame.n, ka_ii ka_ii baar

haa.N, itanaa madir, itanaa madhur teraa meraa pyaar
lenaa hogaa janam hame.n, ka_ii ka_ii baar
ka_ii, ka_ii baar... ka_ii, ka_ii baar ...