Nayyara Noor - Aaj Bazar Mein Lyrics

Aaj bazaar mein paa-ba-jaulan chalo
Chashm-e-nam, jaan-e-shoreeda kaafi nahin
Tohmat-e-ishq-e-posheeda baqi nahin
Aaj bazaar mein paa-ba-jaulan chalo

Dast-e-afshaan chalo, mast-o-raqsaan chalo
Khaak-bar-sar chalo, khoon-ba-damaan chalo
Raah takta hai sab shahr-e-janaan chalo
Aaj bazaar mein paa-ba-jaulan chalo

Haakim-e-shahar bhi, majma-e-aam bhi
Teer-e-ilzaam bhi, sang-e-dushnaam bhi
Subh-e-nashaad bhi, roz-e-nakaam bhi
Aaj bazaar mein paa-ba-jaulan chalo

In ka damsaaz apne siwa kaun hai
Shahr-e-jaanan mein ab ba-safa kaun hai
Dast-e-qaatil ke shaayan raha kaun hai
Rakht-e-dil baandh lo, dil figaaro chalo
Phir hamin qatl ho aayen yaaro chalo.
Aaj bazaar mein paa-ba-jaulan chalo
Correct these Lyrics
download txt

Most Searched
Nayyara Noor Lyrics

 Sweetslyrics Charts

Sweetslyrics Poll
Do you like cartoons?