Home >> Artists starting with N >> Noor Jehan Lyrics >> Aa Keh Wa Basta Hain Uss Husn Ki

Noor Jehan - Aa Keh Wa Basta Hain Uss Husn Ki Lyrics

Aa ke wabasta hain us husn ki yaadein tujh se
jis ne is dil ko pari-khana bana rakha tha
jis ki ulfat mein bhula rakhi thi duniya hum ne
daher ko daher ka afsana bana rakha tha

aashna hain tere qadmon se woh raahein jin par
us ki madhosh jawaani ne inaayat ki hai
karawan guzray hain in se usi raanaayee ke
jis ki in ankhon ne bay-sood ibaadat ki hai

tujh se khelee hain woh mahboob hawaayen jin mein
us ke malboos ki afsurda mahek baaqee hai
tujh pe bhi barsa hai us Baam se mahtaab ka noor
jis mein beetee huwee raaton ki kasak baaqi hai

too ne dekhi hain woh peshaani woh rukhsaar woh hont
zindagee jin ke tasawwar mein lutaadi hum ne
tujh pe uthee hain woh khoyee huween saaher ankhein
tujh ko maaloom hai kyoun umr ganwaadee hum ne

aa ke wabasta hain----

Thanks to MMManhas for correcting these lyrics
Correct these Lyrics
download txt

Most Searched
Noor Jehan Lyrics

 Sweetslyrics Charts

Sweetslyrics Poll
Do you get enough sleep?