Mehdi Hasan - Youn Zindagi Ko Raha Main lyrics

rate me

yun zindagi ki raah mein takra gya koi

ik roshni andhroun mein bikhra gya koi

woh haadsa woh pehli mulaakat kya kahoon

kitni ajab thi soorat e haalaat kya kahoon

wo kehar woh ghazab woh jafa mujh ko yaad hai

woh uski be-rukhi ki adaa mujh ko yaad hai

mit-ta naih hai zehn say yun chhaa gya koi

yun zindagi ki raah mein takra gya koi

pehlay wo mujh ko dekh kay barham si ho gayee

phir apnay he haseen khyaaloun mein kho gayee

bechaargi pe meri usay reham aagya

shayed meray tarapnay ka andaaz bhaa gya

saansoun se bhi kareeb mere aa gya koi

yun zindagi ki raah mein

yun usnay pyar say meri baanhoun ko chhoo liya

manzil nay jaisay shauk ki raahoun ko chhoo liya

ik pal mein dil pe kaisi qayamat guzar gayee

rag rag mein uski khushbu bikhar gayee

zulfoun ko mere shaanay pe lehra gya koi

yun zindagi ki raah mein takra gya koi

ab is dil-e-tabaah ki haalat na poochiye

be-naam aarzu'oun ki lazzat na poochiye

ik ajnabi tha rooh ka armaan ban gya

ik haadsa tha pyar ka, unwaan ban gya

manzil ka raasta mujhe dikhla gya koi

yun zindagi ki raah mein takra gya koi

yun zindagi ki raah mein...

Thanks to deepak gupta/deep for correcting these lyrics