Multazim Par Dua lyrics

Home >> Artists starting with J >> Junaid Jamshed Lyrics >> Multazim Par Dua

Zahir Ki Aankh Say Na Tamasha Karay Koi
Ho Dekhna Toh Deeda-e-Dil Waa Karay Koi
Arr Baithay Kya Samajh Kay Bhala Tuur Par Kaleem
Taaqat Ho Deed Ki Toh Taqaza Karay Koi

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon

Bhikaari Wo Kay Jis Kay Paas Jholi Hai Na Piyaala Hai
Bhikaari Wo Jisay Hirs-o-Hawas Nay Maar Dala Hai

Mata-e-Deen-o-Daanish Nafs Kay Haathon Say Lutwa Kar
Sukoon-e-Qalb Ki Daulat Hawas Ki Bhaint Chharwa Kar

Luta Kar Saari Poonji Ghaflat-o-Isyaan Ki Daldal Main
Sahara Lenay Aya Hoon Teray Ka'abay Kay Aanchal Main

Gunaaahon Ki Lipat Say Ka'ainat-e-Qalb Afsurda
Iraaday Muzmehal, Himmat Shikasta, Hauslay Murda

Kahan Say Laoon Taaqat Dil Ki Sachhi Tarjumani Ki
Kay Is Jhanjaal Main Guzri Hain Ghariyan Zindagani Ki
Find More lyrics at www.sweetslyrics.com

Khulasa Yeh Kay Bas Jal Bhun Kay Apni Ru-Siyaahi Say
Saraapa Faqr Ban Kar Apni Haalat Ki Tabaahi Say

Teray Darbaar Main Laya Hoon Apni Ab Zabun Hali
Teri Chaukhat Kay Laaiq Har Amal Say Haath Hain Khaali

Yeh Tera Ghar Hai Teray Mehr Ka Darbaar Hai Maula
Saraapa Noor Hai Aik Mohbat-e-Anwaar Hai Maula

Teri Chaukhat Kay Jo Aadab Hain Main Un Say Khaali Hoon
Nahin Jis Ko Saliqa Maangnay Ka Wo Sawali Hoon

Zuban Gharq-e-Nadaamat Dil Ki Naaqas Tarjumani Par
Khudaya Rehem Meri Is Zubanay Bay Zubani Par

Yeh Aankhain Khushk Hain Yaa Rab Inhain Rona Nahin Aata
Sulagtay Daagh Hain Dil Main Jinhain Dhona Nahin Aata Hai

Ilaahi Teri Chaukhat Par Bhikaari Ban Kay Aya Hoon
Saraapa Faqr Hoon, Ijz-o-Nadaamat Saath Laya Hoon
Saraapa Faqr Hoon, Ijz-o-Nadaamat Saath Laya Hoon

Thanks to Servantof Allah for correcting these lyrics